1 Երգողների գլխաւորին. Կորխի որդկանց Երգ։
1 Ով Աստուած, մեր ականջներովը լսեցինք. ա մեր հայրերը պատմեցին մեզ այն գործը, որ դու գործեցիր նորանց օրերումը՝ այն առաջի ժամանակներումը։
2 բ Դու քո ձեռքովը հեթանոսներին դուրս հանեցիր եւ նորանց տնկեցիր. Չարչարեցիր ազգերը եւ նորանց փռեցիր։
3 Որովհետեւ գ ոչ թէ իրանց սրովը ժառանգեցին երկիրը, եւ ոչ իրանց բազուկը փրկեց իրանց. Այլ քո աջը եւ քո բազուկը եւ քո երեսի լոյսը. դ որովհետեւ հաւանեցիր նորանց։
4 ե Դու ես իմ թագաւորը, ով Աստուած. Հրամայեցիր Յակոբի փրկութիւնների համար։
5 Քեզանով զ գետինը գցեցինք մեր թշնամիներին. Քո անունովը կոխ տուինք մեզ դէմ վեր կենողներին։
6 Որովհետեւ ես է իմ աղեղին չեմ յուսացել, եւ իմ սուրը չէ փրկում ինձ։
7 Այլ դու ես փրկում մեզ մեր թշնամիներիցը, եւ ը ամօթ ես անում մեզ ատողներին։
8 թ Աստուծով կ’պարծենանք ամեն օր, եւ քո անունիցը կ’գոհանանք յաւիտեան։ (Սէլա։)
9 Բայց հիմա ժ դէն գցեցիր եւ ամօթ արիր մեզ, եւ չես դուրս գալիս մեր զօրքի հետ։
10 ի Դու մեզ ետ ես դարձնում թշնամիիցը, եւ մեզ ատողները յափշտակում են մեզ իրանց համար։
11 լ Դու արիր մեզ՝ որ ոչխարի պէս կերակուր լինինք, եւ խ ցրուեցիր մեզ հեթանոսների մէջ։
12 ծ Ծախեցիր քո ժողովուրդը ոչինչ փողով, եւ չ’հարստացար նորանց գնովը։
13 կ Դու մեզ նախատինք ես դնում մեր հարեւանների առաջին, ծաղր եւ խայտառակութիւն մեր չորս կողմում լինողների առաջին։
14 հ Դու մեզ առակ ես դնում հեթանոսների մէջ, եւ ձ գլուխ շարժելու պատճառ՝ ազգերի մէջ։
15 Ամեն օր իմ նախատինքը իմ առաջին է. Եւ իմ երեսի ամօթը ծածկում է ինձ,
16 Նախատողի եւ հայհոյողի ձայնիցը, ղ թշնամիին եւ վրէժխնդրի երեսիցը։
17 ճ Այս ամենը եկաւ մեզ վերայ, եւ քեզ չ’մոռացանք, եւ քո ուխտը չ’քանդեցինք։
18 Մեր սիրտը ետ չ’դարձաւ, եւ մ մեր գնացքը չ’ծռուեցաւ քո ճանապարհիցը.
19 Թէեւ փշրեցիր մեզ յ չագալների տեղումը, եւ ն ծածկեցիր մեզ մահի շուքովը։
20 Եթէ մոռացած լինէինք մեր Աստուծոյ անունը, եւ շ մեր ձեռքերը մեկնած լինէինք դէպի օտար Աստուած.
21 ո Չէ՞ որ Աստուած կ’քննէր այս բանը. Որովհետեւ նա գիտէ սրտի գաղտնիքները։
22 չ Բայց ամեն օր սպանվում ենք քեզ համար, եւ մորթուելու ոչխարի պէս ենք համարվում։
23 պ Զարթնիր, ի՞նչու ես քնած, ով Տէր. Վեր կաց, դէն մի գցիր իսպառ։
24 ջ Ի՞նչու ես թագցնում քո երեսը, եւ մոռանում մեր խեղճութիւնը եւ նեղութիւնը։
25 Որովհետեւ ռ մեր անձը խոնարհուեց հողի մէջ, եւ մեր փորը երկրին կպաւ։
26 Վեր կաց մեզ օգնութեան, եւ փրկիր մեզ քո ողորմութեան համար։
Սաղմոս 44